Reuters.com
Amierykanski režysior Kviencin Tarancina, filmy jakoha pradziusiravaŭ Charvi Vajnštejn, jaki abvinavačvajecca ŭ šmatlikich vypadkach seksualnaha damahańnia, zajaviŭ, što viedaŭ pra nieprystojnyja pavodziny apošniaha ŭ adnosinach da žančyn. Pra heta jon zajaviŭ haziecie The New York Times.
«Ja viedaŭ dastatkova, kab zrabić bolš, čym ja zrabiŭ», - ckazał Tarancina i ŭdakładniŭ, što heta byli nie zvyčajnyja čutki i plotki, a infarmacyja «ź pieršych ruk». «Ja viedaŭ, što jon rabiŭ tak niekalki razoŭ», — pryznaŭ režysior.
«Škada, što ja nie ŭziaŭ na siabie adkaznaść za toje, što čuŭ. Kali b ja tady zrabiŭ toje, što pavinien byŭ, mnie nie pryjšłosia b pracavać ź im», - reziumavaŭ Tarancina.
Raniej Tarancina zajaviŭ, što «zabity horam ŭ suviazi z adkryćciami, jakija stali viadomyja pra majho siabra apošnich 25 hadoŭ Charvi Vajnštejna», zajaviŭ raniej Tarancina.
Charvi Vajnštejn pradziusiravaŭ abo mieŭ dačynieńnie da bolšaści viadomych filmaŭ Kviencina Tarancina, uklučajučy «Biassłaŭnych vyradkaŭ», «Kryminalnaje čytvo», «Zabić Biła», «Džanha vyzvaleny» i «Miarzotnaja vaśmiorka».
