Pra heta Svabodzie paviedamiła maci zahinułaha sałdata Taćciana Baściuk.
12 kastryčnika stała viadoma, što Śledčy kamitet vyrašyŭ zaviaršyć rasśledavańnie. «Praz adsutnaść hramadcka-niebiaśpiečnaha dziejańnia, praduhledžanaha kryminalnym zakanadaŭstvam», — havorycca ŭ paviedamleńni, jakoje atrymała siamja Baściukoŭ.
«My vielmi ŭzrušanyja hetym. Ciapier navat nia možam padrabiazna kamientavać. Źbirajemsia abskardžvać rašeńnie Śledčaha kamiteta, advakat padrychtavaŭ chadajnictva», — raskazała Svabodzie Taćciana Baściuk.
25-hadovy Arciom Baściuk byŭ znojdzieny paviešanym na terytoryi vajskovaj častki № 25849 pad Barysavam. Pavodle rodnych, za niekalki tydniaŭ da śmierci jon u prysutnaści baćkoŭ nazyvaŭ kamandziru imiony i proźviščy tych vajskoŭcaŭ, jakija akazvali na jaho cisk.