Niezvyčajnuju historyju raspaviała viciebski palityk Volha Karač. U fejsbuku jana pakinuła kamientar z historyjaj pra miascovaha lidara BNF, jaki hraziŭsia vyrazać kryž na łbie susiedki.
«Naša Niva» źviazałasia z Volhaj Karač, kab vyśvietlić detali kranalnaj historyi. Pa słovach Karač, toj vypadak adbyŭsia jašče naprykancy 1990-ch.
U toj čas lidaram abłasnoj arhanizacyi BNF «Adradžeńnie» byŭ Vasil Šałuchin. Karač paćvierdziła, što historyja tyčycca mienavita jaho.
«Tam jany z susiedkaj štości dzialili na leciščy — ci to niejkuju miažu nie mahli pravieści, ci to vyrašali, dzie pastavić płot», — pierakonvaje Karač.
Sam Šałuchin ciapier na piensii, ad hramadskaj i palityčnaj dziejnaści jon daŭno adyjšoŭ.
«U hetaj historyi chtości štości nabłytaŭ: ci to taja babula, ci to sama Volha Karač, — paviedamiŭ «Našaj Nivie» Vasil Šałuchin. — Pa-pieršaje, kanfliktaŭ z susiedziami ŭ mianie nie było nikoli. A miažu dzialić uvohule nie było z kim. A pa-druhoje, ja b sabie nie dazvoliŭ taki vyraz pra kryž na łbie navat na emocyjach!».
