Słužba biaśpieki Ukrainy zabłakavała pryznačeńnie palaka Paŭła Stańčaka na pasadu kiraŭnika dziaržaŭnaha apieratara ŭkrainskich hazapravodaŭ «Ukrtranshaz». Pryznačyć palaka na vysokuju pasadu ŭ žniŭni vyrašyła naziralnaja rada kampanii, paviedamlaje Radyjo Polšča.
Andrej Kobaleŭ, kiraŭnik NAK «Naftahaz», jaki vałodaje 100% akcyj «Ukrtranshaza», adznačyŭ, što niahledziačy na rašeńnie naziralnaj rady, kandydatura Paŭła Stańčaka była zabłakavanaja SBU. Słužba biaśpieki, pa słovach Andreja Kobaleva, nie dazvoliła palaku atrymać dostup da tajamnic dziaržkampanii. U takoj situacyi, pa acency kiraŭnika «Naftahaza», Pavieł Stańčak nie zmoh by efiektyŭna kiravać «Ukrtranshazam».
Pavieł Stańčak — mieniedžar z 25-hadovym dośviedam pracy ŭ halinie transparciroŭki i zachoŭvańnia hazu. Jon pracavaŭ u polskich kampanijach Gaz-System, a taksama PGNiG.
Dziaržaŭny apieratar hazapravoda «Ukrtranshaz» adkazvaje za zachoŭvańnie, raspaŭsiudžvańnie i tranzit hazu pa terytoryi Ukrainy.