TASS
Delehacyja Čačni na čale z Ramzanam Kadyravym naviedaje Biełaruś 25 vieraśnia.
Pra heta paviedamiŭ siońnia žurnalistam na bryfinhu načalnik upraŭleńnia infarmacyi — pres-sakratar MZS Biełarusi Dźmitryj Mirončyk, piša BiełTA.
Pra hatoŭnaść pryjechać u Biełaruś dla abmierkavańnia pierśpiektyŭ raźvićcia supracoŭnictva kiraŭnik Čačni Ramzan Kadyraŭ zajaviŭ jašče ŭ listapadzie minułaha hoda ŭ adkaz na zaprašeńnie Łukašenki, jakoje prahučała ŭ čas razmovy z rasijskimi žurnalistami.
«Pavažany Alaksandr Ryhoravič! Vielmi kranuty Vašymi dobrymi słovami ŭ adras Čačenskaj Respubliki i čačenskaha naroda! (…) Liču svaim abaviazkam zapeŭnić, što z takoj ža pavahaj my stavimsia da Vas asabista, da Respubliki Biełaruś i da biełaruskaha naroda! Adnaznačna, prymaju Vašu krytyku, jak ad mudraha, vopytnaha palityka, lidara družalubnaj Rasii dziaržavy i bratniaha naroda! Liču dla siabie za honar pryjechać u Minsk i sustrecca ŭ luby zručny dla Vas čas», — pisaŭ tady Ramzan Kadyraŭ u svaim instahramie.