Da 2050 hodu nasielnictva Ziamli pavialičycca na tracinu i dasiahnie 10 miljardaŭ čałaviek. Taki prahnoz francuzskaha Instytuta demahrafičnych daśledavańniaŭ Ined, apublikavany 20 vieraśnia. Na siońniašni dzień na płaniecie pražyvaje kala 7,5 miljarda čałaviek, piša DW.
Rekordny rost čakaje afrykanski kantynient: jaho nasielnictva pavialičycca ŭdvaja da 2050-ha i ŭ čatyry razy da 2100 hoda. Siońnia ŭ Afrycy pražyvaje adna šostaja častka nasielnictva Ziamli (1,2 miljarda). I mienavita Afryka źjaŭlajecca rekardsmienam pa roście nasielnictva: u Nihiery na adnu žančynu prychodzicca 7,3 dziciaci. Siaredni suśvietny pakazčyk — 2,5 dziciaci.
Amal va ŭsich krainach Afryki, niekatorych arabskich krainach, častkach Afhanistana, Indyi i Pakistana na adnu žančynu ŭ siarednim prychodzicca 3-4 dziciaci. «U hetych rehijonach i ŭ nastupnyja hady zachavajecca mocny demahrafičny rost», — adznačyŭ aŭtar prahnozu Žyl Pizon.
Kali ŭjavić sučasny śviet jak viosku z nasielnictvam 100 čałaviek, to, pavodle danych fondu «Nasielnictva śvietu», u joj žyli b 60 azijataŭ, 16 afrykancaŭ, 10 jeŭrapiejcaŭ, 8 łacinaamierykancaŭ, 5 paŭnočnaamierykancaŭ i adzin čałaviek z Akijanii.
