Terminy budaŭnictva šmatfunkcyjanalnaha kompleksu «Hazprom centr» u Minsku płanujecca padoŭžyć da 2020 hoda. Rychtujecca prajekt adpaviednaha dakumienta, paviedamiŭ BIEŁTA staršynia kamiteta budaŭnictva i inviestycyj Minharvykankama Dźmitryj Hurynienka.
Fota Vadzima Zamiroŭskaha, tut.by
Jon adznačyŭ, što zaviaršajecca pracedura vybaru hienieralnaha padradčyka. Čakajecca, što jaje vyniki stanuć viadomyja ŭ kastryčniku. AAT «Hazprom transhaz Biełaruś» płanuje praciahnuć raboty na abjekcie ŭ pačatku 2018 hoda.
Jak paviedamlałasia, šmatfunkcyjanalny kompleks «Hazpram centr» pabudujuć u paŭnočna-ŭschodniaj častcy Minska ŭ miežach pr. Niezaležnaści i vuł. Filimonava na miescy byłoha aŭtavakzała «Maskoŭski». Na ziamielnym učastku płoščaj 8,27 ha miarkujecca raźmiaścić administracyjna-ofisnyja budynki, haściničny kompleks z kanhres-centram, spartyŭny, dziciačy vučebna-raźvivajučy, miedycynski centry, amfiteatr, zonu adpačynku dla haradžan, nadziemny i padziemny parkinhi.
Budaŭnictva abjekta pačałosia ŭ 2015 hodzie, u 2016-m raboty byli prypynienyja.