Maskoŭskaje ŭpraŭleńnie Fiederalnaj antymanapolnaj słužby (UFAS) raspačało spravu ŭ dačynieńni da ZAT «BiełazŚpiecServis» (Maskva) za vykarystańnie tavarnaha znaka BIEŁAZ. Takaja infarmacyja raźmieščanaja na sajcie AAT «BiełAZ».
Sprava raspačataja pa prykmietach parušeńnia antymanapolnaha zakanadaŭstva. «Kampanija zarehistravała i vykarystoŭvaje ŭ jakaści frahmienta śvioj firmiennaj nazvy paznačeńnie «Biełaz», jakoje źjaŭlajecca takim samym z tavarnymi znakami BIEŁAZ, BELAZ i naležyć AAT «BiełAZ» (Biełaruś)», — adznačaje UFAS.
Takim čynam, ZAT «BiełazŚpiecServis» atrymlivaje nieabhruntavanuju pieravahu pierad kankurentami, karystajučysia šyrokaj viadomaściu pradukcyi AAT «BiełAZ». U dziejańniach ZAT antymanapolny orhan uhledžvaje prykmiety niadobrasumlennaj kankurencyi, jakija vyjavilisia ŭ nabyćci i vykarystańni tavarystvam vyklučnaha prava na srodki indyvidualizacyi jurydyčnaj asoby.
Razhlad spravy adbudziecca 17 kastryčnika 2017 hoda.
Pavodle danych UFAS, ZAT «BiełazŚpiecServis» ažyćciaŭlaje pastaŭku zapasnych častak i abstalavańnia dla čyhunačnych vahonaŭ, prodaž zapasnych častak dla aŭtamabilaŭ (MAZ, KamAZ, BiełAZ, inšych hruzavych aŭtamabilaŭ). Da 2015 hoda kampanija realizoŭvała pradukcyju Biełaruskaha aŭtamabilnaha zavoda (u ciapierašni čas AAT «BiełAZ»).
