Ministerstva pa padatkach i zborach apublikavała prajekt ukaza, jaki rehuluje ŭtrymańnie virtualnych ihralnych ustanoŭ i praviadzieńnie azartnych hulniaŭ u internecie, paviedamlaje Tut.by.
U pryvatnaści, prajekt ukaza praduhledžvaje, što arhanizoŭvać i pravodzić azartnyja hulni z dapamohaj virtualnaj ihralnaj ustanovy majuć prava tolki tyja, chto atrymaŭ śpiecyjalny dazvoł, to bok licenziju. Taksama prapanujecca ŭstalavać abaviazkovyja patrabavańni i ŭmovy jak dla atrymańnia licenzii, tak i dla ŭtrymańnia takoj ustanovy.
Akramia taho, prajekt ukaza ŭvodzić zabaronu na dopusk u kazino (u tym liku virtualnaje) asob maładziejšych za 21 hod. Ministerstva pa padatkach i zborach adznačaje, što takoje rašeńnie pryniataje z ulikam śpiecyfiki dziejnaści ŭ śfiery ihralnaha biznesu i mižnarodnaha dośviedu.
Nahadvajem, što z 28 žniŭnia ŭstupili ŭ siłu normy, jakija dazvalajuć pa rašeńni suda (adpaviednuju zajavu mohuć padać členy siamji abo inšyja asoby) abmiažoŭvać hulniamanaŭ u naviedvańni kazino i ŭdzieł u azartnych hulniach.
