Brytanski fatohraf Devid Słejter vyjhraŭ praces suprać abaroncaŭ pravoŭ žyvioł pa ich pazovie ŭ abaronu aŭtarskaha prava małpy na svaju fotavyjavu, paviedamlaje VVS.
Tut i nižej fota: David Slater
U 2011 hodzie ŭ džunhlach Indanezii małpa pa imi Naruta zavałodała fotakamieraj brytanskaha fatohrafa i zrabiła aŭtapartret, jaki staŭ znakamitym.
Arhanizacyja PETA (People For The Ethical Treatment of Animals — «Ludzi za etyčnaje abychodžańnie z žyviołami») padała pazoŭ u amierykanski sud, patrabujučy pryznać małpu aŭtaram fatahrafii, jaki maje prava na ŭznaharodžańnie za jaje vykarystańnie.
Sud pieršaj instancyi ŭ San-Francyska ŭ pačatku 2016 hoda pastanaviŭ, što zakon nie praduhledžvaje, kab uładalnikam aŭtarskich pravoŭ mahła być žyvioła, u pryvatnaści małpa.
Abaroncy pravoŭ žyvioł, adnak, nie pahadzilisia z hetym rašeńniem i padali apielacyju.
Apielacyja była adchilenaja, adnak Devid Słejter dobraachvotna pahadziŭsia achviaravać 25% ad budučych hanararaŭ dabračynnym arhanizacyjam, jakija abaraniajuć asiarodździe pražyvańnia makak, havorycca ŭ sumiesnaj zajavie bakoŭ.
«Hety epachalny pazoŭ PETA vyklikaŭ šyrokuju mižnarodnuju dyskusiju ab nieabchodnaści nadzialeńnia žyvioł fundamientalnymi pravami ŭ ich ułasnych intaresach, a nie tolki dziela ich ekspłuatacyi», — zajaviŭ juryst PETA Džef Ker.
Devid Słejter, jaki pražyvaje ŭ horadzie Čepstaŭ, adznačyŭ, što ŭkłaŭ niamała pracy ŭ hety zdymak, što daje jamu ŭsie pravy na jaho.
Pa jaho słovach, jon ličyć siabie abaroncam pryrody i cikavaść da hetaha zdymka ŭžo dapamahła palepšyć stanovišča žyvioł u Indaniezii.
Pazoŭ byŭ zarehistravany jak «Naruta suprać Devida Słejtera», adnak Słejter nastojvaŭ, što na zdymku adlustravanaja inšaja małpa, pryčym samiec.
Praces praciahvaŭsia ŭ sudach San-Francyska na praciahu dvuch hadoŭ, i ŭ rešcie rešt sudździ apielacyjnaha suda vyrašyli spravu na karyść Słejtera.
U sumiesnaj zajavie PETA i Słejtera havorycca, što heta sprava padymaje važnyja i biesprecedentnyja pytańni ab pašyreńni jurydyčnych normaŭ na karyść žyvioł.