Chiłary Klintan u niadzielnym teleintervju, prymierkavanym da vychadu jaje miemuaraŭ pra letašniuju prezidenckuju kampaniju, vykazała svaje pohlady na pryčyny pieramohi Donalda Trampa. Kniha nazyvajecca «What Happened?» («Što zdaryłasia?»).
Jon pa-majstersku praekspłuatavaŭ niezadavolenaść miljonaŭ ludziej pośpiechami, jakich damahlisia mienšaści, adznačyła Klintan. A na ŭdakładnialnaje pytańnie adkazała, što maje na ŭvazie miljony biełych amierykancaŭ.
Pa słovach Klintan, Tramp robić z marhinalnych čałaviekanienaviśnickich hrup častku palityčnaha mejnstrymu i spryjaje zachopu ŭłady ŭ Respublikanskaj partyi radykałami.
Klintan pryznałasia, što prysutničała na cyrymonii inaŭhuracyi Trampa tolki z pavahi da tradycyi i acharaktaryzavała inaŭhuracyjnuju pramovu novaha prezidenta jak zaklik da biełych rasistaŭ.
Kandydat Demakratyčnaj partyi na vybarach 2016 hoda, Klintan zajaviła, što nie maje namieru znoŭ bałatavacca ŭ prezidenty, ale heta nie značyć, što jana sychodzić z palityki, bo siońnia, pa jaje słovach, «na kartu ŭ litaralnym sensie słova pastaŭlenaja budučynia Amieryki».