Były prezident Hruzii, a va Ukrainie — kiraŭnik Adeskaj vobłaści Micheił Saakašvili prarvaŭsia va Ukrainu, niahledziačy na toje, što jon byŭ pazbaŭleny hramadzianstva.
Kala 700 prychilnikaŭ Saakašvili prarvali kardony pamiežnikaŭ i palicyi, uvarvalisia na pahraničny pierachod «Šehini» na miažy z Polščaj i praviali Saakašvili va Ukrainu biez pahraničnaha kantrolu. Jon prajšoŭ kala 3 km sa svaimi prychilnikami, paśla sieŭ u aŭtamabil i pajechaŭ u Lvoŭ.
Kala 22.45 jon užo vystupaŭ kala lvoŭskaj Ratušy. Jaho supravadžali byłaja premjerka Ukrainy Julija Cimašenka, mer Lvova Andrej Sadovy i były kiraŭnik Słužby biaśpieki Ukrainy Valancin Nalivajčanka.
U Dziaržpahransłužbie Ukrainy paćvierdzili fakt praryvu hranicy i adznačyli, što paśla jaho pačałasia bojka z pamiežnikami.
Ukrainskija pamiežniki raniej zajaŭlali, što nie puściać eks-kiraŭnika Hruzii i eks-kiraŭnika Adeskaj vobłaści va Ukrainu. Paŭtara miesiaca nazad prezident Ukrainy Piatro Parašenka pazbaviŭ Saakašvili hramadzianstva Ukrainy paśla taho jak hruzinski palityk pačaŭ abvinavačvać Parašenka i jahonaje koła ŭ karupcyi.
Ciahnik, na jakim palityk jechaŭ z Polščy, spynili. Tady Saakašvili pierasieŭ na aŭtobus.
U hety čas z ukrainskaha boku sabrałasia niekalki socień prychilnikaŭ Saakašvili.
Saakašvili supravadžali 11 narodnych deputataŭ ad roznych palityčnych hrup, u tym liku źviazanych z bujnym biznesam i miljarderam Kałamojskim.
Mierkavańni adnosna ŭčynka Saakašvili va Ukrainie razyšlisia.
Voś pazicyja publicysta Vitala Portnikava:
A voś — deputata Barysłava Biarozy:
Hienprakuror Ukrainy zajaviŭ pra namier pakarać Saakašvili za niezakonny pierachod miažy:
