Hramadskaje abmierkavańnie abjekta «Horadabudaŭničy prajekt detalovaha płanavańnia terytoryi ŭ miežach pr. Niezaležnaści — vuł. Kamsamolskaja — vuł. Internacyjanalnaja — vuł. Lenina» budzie prachodzić z 11 vieraśnia pa 5 kastryčnika 2017 hoda. Prezientacyja materyjałaŭ prajekta adbudziecca 13 vieraśnia ŭ 18.30 u budynku administracyi Centralnaha rajona Minska, paviedamlaje Tut.by.
Abjektam prajektavańnia źjaŭlajecca terytoryja płoščaj 7,3 hiektara. Zakazčyk prajekta — kamitet architektury i horadabudaŭnictva Minharvykankama, raspracoŭščyk — UP «Minskhrada».
Na sajcie administracyi Centralnaha rajona havorycca, što «metaj horadabudaŭničaha raźvićcia prajektavanaha rajona źjaŭlajecca zachavańnie z madernizacyjaj častki zabudovy i raźmiaščeńnie novaha budaŭnictva ŭ jadry horada. Pry hetym płanujecca zachavańnie i prymnažeńnie jaho ŭnikalnych pryrodna-łandšaftnych, materyjalna- i sacyjalna-prastoravych jakaściaŭ, uzbahačeńnie architekturna-płanirovačnaj svojeasablivaści terytoryi, a taksama stvareńnie biaśpiečnaha, biezbarjernaha, spryjalnaha i raznastajnaha haradskoj asiarodździa dla žyćciadziejnaści nasielnictva».
Zhodna z prajektam, kvartał u miežach pr. Niezaležnaści — vuł. Kamsamolskaja — vuł. Internacyjanalnaja — vuł. Lenina čakaje ŭščylnieńnie ŭ vyhladzie parkoŭki dla aŭtamabilaŭ: kolkaść mašyna-miescaŭ tut pavialičycca da 896 (było ŭsiaho 130). Taksama mohuć źjavicca nievialiki pramtavarny mahazin i abjekt hramadskaha charčavańnia. Čym kankretna ŭščylniać hety kvartał, u administracyi Centralnaha rajona patłumačyć admovilisia.
Z prajektnymi materyjałami pa prajekcie možna aznajomicca z 11.09.2017 pa 05.10.2017 ŭ faje 3-ha paviercha budynka administracyi Centralnaha rajona h. Minska, taksama na sajcie administracyi Centralnaha rajona h. Minska centr.minsk.gov.by u rubrycy «Hramadskija abmierkavańni».
Usie svaje zaŭvahi i prapanovy ŭ piśmovaj formie pa vystaŭlenym na hramadskaje abmierkavańnie prajekcie da 05.10.2017 vy možacie nakiravać u administracyju Centralnaha rajona h. Minska z pamietkaj «hramadskaje abmierkavańnie» (adras: 220004, h. Minsk, vuł. Mielnikajte, 6; elektronny adras: [email protected]).
