U Biełarusi płanujuć realizoŭvać himnazičnuju adukacyju paśla 9-ha kłasa (ciapier — z 5-ha). Pra heta siońnia žurnalistam zajaviŭ ministr adukacyi Ihar Karpienka, piša BiełTA.
Na dumku ministra, himnazičny ŭzrovień i pavyšanaje vyvučeńnie školnych pradmietaŭ pavinny realizoŭvacca na treciaj stupieni ahulnaj siaredniaj adukacyi (10-11-y kłasy).
«Niapravilna, što my ŭ himnazii prymajem z 5-ha kłasa, pravodzim ekzamieny, jakija ŭvodziać u stresavy stan navučencaŭ. Treba piśmienna pradumać, jak hetaja sistema budzie funkcyjanavać. Niachaj nichto nie pałochajecca, himnazii začyniać my nie źbirajemsia. Naadvarot, tyja napracoŭki, jakija jość, buduć padtrymany», - padkreśliŭ Ihar Karpienka.
Jon adznačyŭ, što himnazistaŭ pavinna budzie vyznačać niezaležnaja vynikovaja atestacyja za kurs bazavaj škoły.
«Niezaležny ekzamien zmoža vyznačyć dalejšuju trajektoryju ruchu navučenca: pojdzie jon u himnazičny kłas, u himnaziju, u licej abo praciahnie adukacyju ŭ sistemie prafiesijna-techničnaj adukacyi. Hetyja pytańni pavinny być technałahična adpracavany, u tym liku sa śpiecyjalistami. Z hetaj nahody ŭ bližejšy čas my sustreniemsia z dyrektarami himnazij», — prainfarmavaŭ ministr adukacyi.
Ihar Karpienka zapeŭniŭ, što ŭsie źmieny ŭ śfiery adukacyi, havorka pra jakija išła na Respublikanskaj piednaradzie i jakija ciapier aktyŭna abmiarkoŭvajucca ŭ ŚMI, buduć pravodzicca paetapna, z pryciahnieńniem mierkavańnia śpiecyjalistaŭ, bieź jakoj-niebudź kardynalnaj łomki sistemy ŭ cełym.
