U noč na 8 vieraśnia na terytoryi škoły ŭ Maskoŭskim rajonie Minska znajšli trup 28-hadovaj dziaŭčyny. Žorstkaje zabojstva raskryli za ličanyja hadziny, paviedamlaje pres-słužba MUS Biełarusi.
Milicyja vyśvietliła, što napiaredadni ŭviečary da dźviuch žančyn uzrostam 28 i 29 hadoŭ padyšoŭ małady čałaviek u mascy. Jon pahavaryŭ z adnoj ź ich (akazalisia znajomymi) i pajšoŭ.
«Praź niekatory čas mužčyna viarnuŭsia i nažom paraniŭ druhuju siabroŭku. Taja pabiehła pa dapamohu da vachciora škoły, a ŭ hety čas złamyśnik staŭ nanosić znajomaj dziasiatki nažavych udaraŭ, u vyniku čaho jana pamierła», — paviedamlaje MUS.
Praz try hadziny, u adnym ź bližejšych ad miesca trahiedyi damoŭ, byŭ zatrymany padazravany. Im akazaŭsia 21-hadovy chłopiec. Raniej jon užo pryciahvaŭsia da adkaznaści za drobnaje chulihanstva, raśpivańnie śpirtnoha ŭ publičnym miescy i ŭchileńnie ad słužby ŭ vojsku.
