Hetaj infarmacyjaj na svajoj staroncy ŭ fejsbuku padzialiŭsia sam muzyka: «Zdymki adbylisia ŭ kvatery piśmieńnika na Karła Marksa, 36, dzie Uładzimir Siamionavič Karatkievič žyŭ z 1973 hoda. Adsiul i adpraviŭsia ŭ svoj apošni šlach 25 lipienia 1984 hoda. U kvatery žyła siastra Karatkieviča, zaraz žyvie jaho plamieńnica — Alena Ivanaŭna, razam z supruham.
U kabinecie amal ničoha nie źmianiłasia z dnia śmierci Karatkieviča. Łožak, hlinianaja pahonia nad łožkam. Knižnyja palicy z mnostvam samych roznych knih. Na palicach šmat čarciej, cmokaŭ, harškoŭ, Šviejki, kufli, fotki. Na svaim miescy staić stoł, za jakim pisaŭsia «Čorny zamak Alšanski». Visić vialiki partret Kalinoŭskaha.
Pieśnia ź inšaha prajekta, ale jana absalutna ŭ kantekście «Biełaj jabłyni hromu». Tamu abaviazkova prahučyć na kancercie 21 vieraśnia ŭ Prime Hall. Kali hrali, adčuli niejkuju dziŭnuju enerhietyku. Nia viedaju, jak patłumačyć, ale dla mianie ŭsio było nibyta naelektryzavanaje».
***
Usim amataram tvorčaści Lavona Volskaha nahadajem, što vialiki kancert, pryśviečany prajektu «Biełaja jabłynia hromu», projdzie 21 vieraśnia ŭ kłubie Prime Hall. Kvitki na tancplac kaštujuć 40 rubloŭ. Siadziačyja miejscy: ad 40 da 48 rub. Prodaž adbyvajecca praz kasy i sistemu Kvitki.by, sajt Primehall.by i kasy Prime Hall (HC «Zamak»). Infalinija (033) 661 14 32.
