Kancler Hiermanii Anhieła Mierkiel dapuściła jak časovaje prypynieńnie, tak i poŭnaje spynieńnie pieramovaŭ z Turcyjaj ab ustupleńni hetaj krainy ŭ Jeŭrapiejski Sajuz. Pra heta jana zajaviła na pasiadžeńni bundestaha ŭ aŭtorak, paviedamlaje DW.
«Heta dziejańnie, jakoje, zrazumieła, treba rabić rašuča, ale dobra abdumaŭšy jaho», — patłumačyła Mierkiel, ukazaŭšy na «stratehičnaje značeńnie» adnosin z Ankaroj.
Kancler Hiermanii papiaredziła, što abmierkavańnie hetaha pytańnia ŭnutry Jeŭrasajuza nie pavinna vylicca ŭ «publičnuju svarku na vačach u prezidenta Erdahana». «Heta dramatyčnym čynam asłabiła b pazicyju Jeŭropy», — dadała jana. Akramia taho, pry pryniaćci dadzienaha rašeńnia nielha zabyvać pra apazicyjna nastrojenych turkaŭ i vychadcaŭ z Turcyi, jakija pražyvajuć u Hiermanii. «My nie pavinny zakranuć ich», — padkreśliła Mierkiel.
Dniom raniej stała viadoma, što kancler FRH maje namier padniać pytańnie ab spynieńni pieramovaŭ z Ankaroj ab ustupleńni Turcyi ŭ ES na čarhovym samicie Jeŭrasajuza ŭ kastryčniku.
Drukujecca ŭ miežach śpiecyjalnaj rubryki «Naviny Hiermanii»
