Kolkaść zhvałtavańniaŭ i zamachaŭ na zhvałtavańnie za pieršaje paŭhodździe 2017 vyrasła na 77% u paraŭnańni z anałahičnym pieryjadam minułaha hoda. Statystyku publikuje MUS.
Z pačatku hoda ŭ krainie zarehistravana 6,5 tysiač ciažkich i asabliva ciažkich złačynstvaŭ. Pa niekatorych vidach nazirajecca rost (u paraŭnańni sa statystykaj pieršaha paŭhodździa 2016-ha).
Naprykład, kolkaść zhvałtavańniaŭ i zamachaŭ na zhvałtavańnie — plus 77%, a ŭsiaho 108 faktaŭ za paŭhoda. Choć za ŭvieś 2016-y było zarehistravana 137 takich vypadkaŭ.
Taksama na 66% vyrasła kolkaść vypadkaŭ chabarnictva (usiaho 1267 faktaŭ), na 40% — pa faktach złoŭžyvańnia ŭładaj abo słužbovymi paŭnamoctvami (238 vypadkaŭ), i na 33% — pa vymahalnictvaŭ (83 vypadki).
Jak i raniej, samym častym złačynstvam zastajucca kradziažy — bolš za 16 tysiač vypadkaŭ za paŭhoda. Dalej iduć «złačynstvy, źviazanyja z narkotykami» (2,9 tysiačy) i niezakonny abarot narkotykaŭ i psichatropaŭ (2,7 tysiačy).
