Ahienctva, jakoje kantraluje jakaść pavietra, nakiravała da budynka hienkonsulstva Rasii ŭ San-Francyska inśpiektara z-za dymu, jaki išoŭ z komina, pieradaje AR.
Raniej paviedamlałasia, što pa hetaj ža pryčynie da budynka vyklikali pažarnych. Pradstaŭnik rasijskaha zamiežnapalityčnaha viedamstva Maryja Zacharava zajaviła, što iduć mierapryjemstvy pa kansiervacyi budynka hienkonsulstva, jakoje začyniajecca.
Inśpiektar pavinien byŭ pravieryć, ci nie było zabrudžvańnia pavietra. Adnak, pavodle źviestak ahienctva, kali inśpiektar prybyŭ na miesca, jon nie ŭbačyŭ ni dymu, ni mahčymych parušeńniaŭ.
Napiaredadni ŭ horadzie z-za 38-hradusnaj śpioki byli ŭviedzienyja abmiežavańni na vykarystańnie kaminaŭ i manhałaŭ.
Raniej MZS paviedamiŭ, što śpiecsłužby ZŠA majuć namier 2 vieraśnia pravieści pieratrus u hienieralnym konsulstvie Rasii, u tym liku ŭ kvaterach supracoŭnikaŭ dyppradstaŭnictva. U dejarždepie ZŠA admovilisia kamientavać hetuju infarmacyju.
Dziarždep zapatrabavaŭ začynić kansułat San-Francyska i dva budynki handlovaha pradstaŭnictva ŭ Vašynhtonie i Ńju-Jorku da 2 vieraśnia, matyvujučy heta adkazam na rasijskuju prapanovu skaracić kolkaść rabotnikaŭ dypmisii ZŠA ŭ Rasii.
