U niadzielu ŭ vajbier-čacie čatyroch damoŭ na vulicach Bahdanoviča i Turhienieva ŭ Minsku źjaviłasia nastupnaja fatahrafija. Na zdymku dvoje chłopcaŭ: adzin pavis na parenčach bałkona, inšy jaho fatahrafuje. Usio heta adbyvałasia na 26-m paviersie, piša Tut.by.
Fota sa staronki Aleny ŭ fejsbuku
— Kadr zrobleny kala dzieviaci viečara kimści z žycharoŭ doma № 140 pa vulicy Bahdanoviča, — raspaviadaje minčanka Alena, jakaja vykłała zdymak na svajoj staroncy ŭ fejsbuku. - Na fota dom nasuprać - heta značyć 136-y abo 138-y.
Chto jany — chłopcy na fatahrafii — Alena nie viedaje. Chutčej za ŭsio, nie z hetych damoŭ. Inakš by, miarkuje, chto-niebudź z karystalnikaŭ vajbier-čataŭ ich by paznali.
Voś tolki jak jany trapili ŭ hmach? U damach damafony, dy i kanśjerž na pieršym paviersie siadzić.
Pa słovach Aleny, bałkon, dzie ŭsio heta adbyvajecca, hramadski. Vyjści na jaho z padjezda moža luby.
— Takija bałkony jość u nas na ŭsich pavierchach, - kaža surazmoŭca. — Zaraz abmiarkoŭvajuć, ci možna ich začynić, ale naŭrad ci heta adbudziecca. Pa praviłach pažarnaj biaśpieki, uvachod na ich pavinien być volny.
U pres-słužbie HUUS Minharvykankama skazali, što takija situacyi adbyvajucca redka. Vyraznaj instrukcyi, jak pastupić, zaŭvažyŭšy padletkaŭ, jakija ryzykujuć žyćciom dziela ŭdałaha kadra, niama. Kožny vypadak indyvidualny.
- U pieršuju čarhu nabirajcie 102, nazyvajcie adras, dzie heta adbyvajecca, — raić Alaksandr Łastoŭski, aficyjny pradstaŭnik HUUS Minharvykankama. - Kali spatrebicca dapamoha ratavalnikaŭ, apieratyŭny dziažurny pieradaść hetuju infarmacyju ŭ MNS.