Braty Bakinoŭskija ź firmy «Hranitny śviet» u Zasłaŭi biaspłatna vyrabili pomniki na mahiły baćkoŭ Vasila Bykava i jahonaj siastry Valanciny.
Pra heta na staroncy ŭ fejsbuku napisaŭ kaardynatar kulturnickich prajektaŭ Hleb Łabadzienka.
Pavodle Łabadzienki, dniami jany z synam Vasila Ŭładzimieraviča pajeduć pahladzieć na aryhinały. A paśla hetaha kiraŭniki «Hranitnaha śvietu» paabiacali ŭstalavać pomniki ŭ Byčkach i Voŭčy — znoŭ ža, biaspłatna.
«Sabranyja raniej hrošy (u ekvivalencie kala 150 dalaraŭ) pieradam firmie, kab choć niejak kampensavać vydatki na davoz i ŭstalavańnie pomnikaŭ, — adznačyŭ Hleb Łabadzienka. — Voś ža, siabry, reklamuju ad usioj dušy hetych nieabyjakavych ludziej: jak chto maje patrebu pastavić pomnik pa svajakach, to majcie na ŭvazie».
Sioleta ŭ traŭni Hleb Łabadzienka raspačaŭ hramadzki zbor srodkaŭ na pomniki baćkam Vasila Bykava — staryja z hranitnaj kroški pačali razvalvacca. Ŭładzimier Fiodaravič i Hanna Ryhoraŭna Bykavy ŭsio žyćcio pražyli ŭ Byčkach, tam i pachavanyja.
A nieŭzabavie paśla hetaha patelefanavaŭ z Zasłaŭja Ivan Bakinoŭski, adzin z uładalnikaŭ firmy «Hranitny śviet». Skazaŭ, što z bratam achviarujuć try hranitnyja pomniki dla baćkoŭ i siastry Vasila Bykava.
