La śvinakompleksu pobač ź vioskaj Zialonyja Łuki Homielskaha rajonu na žurnalistaŭ-fryłanseraŭ Kastusia Žukoŭskaha i Andreja Tołčyna napaŭ nieviadomy ŭ cyvilnym z sadovym apyrskvalnikam za plačyma i abdaŭ z raspylalnika nieviadomym aerazolem.
«My chacieli pravieryć na tutejšym śvinakompleksie «Dobraja chriuška» infarmacyju pra padziož śviniej. Nas pierastreŭ nieznajomiec i abpyrskaŭ niejkaj vadkaściu — ciapier mnie piače ŭvačču, ciažka dychać. Vyklikali milicyju j chutkuju medyčnuju dapamohu. Milicyja pryjechała, ažno piać čałaviek, a chutkaj dapamohi niama. Minuła ŭžo bolš jak paŭhadziny», — skazaŭ praz telefon Kastuś.
Piaciora milicyjantaŭ sprabujuć ciapier vyvieźci Žukoŭskaha j Tołčyna nibyta za «sanitarnuju zonu», kab jechać u RAUS składać pratakoł — ci to na napadnika, ci to samich žurnalistaŭ-fryłanseraŭ.
