U Rastoŭskaj i Varoniežskaj abłaściach uviedzienaja ŭ stroj čyhunka, jakaja prachodzić u abychod terytoryi Ukrainy. Pra heta paviedamlaje «Interfaks» sa spasyłkaj na infarmavanuju krynicu.
Ruch adkryŭsia na ŭčastku Žuraŭka — Milerava. Pa słovach surazmoŭcy ahienctva, «pačałasia ekspłuatacyja hetaj dvuchšlachovaj elektryfikavanaj čyhunki, jakaja budavałasia ŭ abychod susiedniaj Ukrainy».
Jon dadaŭ, što intensiŭnaść ruchu na ŭčastku budzie narastać, «adpaviednyja płany realizujucca ministerstvam transpartu, Rasijskimi čyhunkami, inšymi profilnymi strukturami».
Taksama «Interfaks» pryvodzić słovy ministra transpartu Maksima Sakałova, jaki raspavioŭ, što ŭčastak Žuraŭka — Milerava zabiaśpiečyć Rasii niezaležnaść ad prachodžańnia miažy susiedniaj Ukrainy.
U svaju čarhu Minabarony paviedamlaje, što Siarhiej Šajhu ŭ paniadziełak, 7 žniŭnia, uručyŭ orden Žukava kamandavańniu 39-j asobnaj čyhunačnaj bryhady, jakaja zajmałasia budaŭnictvam čyhunačnych šlachoŭ na ŭčastku Žuraŭka — Milerava.
Rašeńnie ab budaŭnictvie takoha ŭčastka było pryniataje ŭ 2015 hodzie dla abychodu terytoryi Ukrainy ciahnikami, jakija iduć z centralnych rajonaŭ u paŭdniovyja rehijony Rasii. U 2014 hodzie z prapanovaj pabudavać čyhunku ŭ abychod Ukrainy vystupiła RČ. Košt prajekta aceńvaŭsia ŭ 45-60 miljardaŭ rubloŭ.
