Siońnia ŭdzień na liniju 102 u Maładziečnie pastupiŭ zvanok ad vidavočcaŭ, jakija paviedamili, što na vuł. Vałynca znachodzicca pjanaja žančyna ź dziciem, paviedamili va UUS Minabłvykankama.
Supracoŭnik milicyi, jaki prybyŭ na miesca, u adnym z dvaroŭ zastaŭ tolki małaletniuju dziaŭčynku, jakaja hulała ŭ piasočnicy. Dzicia dastavili ŭ špital dla abśledavańnia. U hety čas jaje pjanaja maci znachodziłasia zusim u inšym miescy.
U dačynieńni da žančyny byŭ składzieny administracyjny pratakoł pa art. 17.3 KoAP (raśpićcio ałkaholnych, słabaałkaholnych napojaŭ ci piva, spažyvańnie narkatyčnych srodkaŭ, psichatropnych rečyvaŭ abo ich anałahaŭ u hramadskim miescy albo źjaŭleńnie ŭ hramadskim miescy abo na pracy ŭ stanie apjanieńnia). «Sabranyja adpaviednyja materyjały dla razhladu ich kamisijaj pa spravach niepaŭnaletnich. Mahčyma, žančynu pazbaviać baćkoŭskich pravoŭ», — raspavioŭ namieśnik načalnika Maładziečanskaha RAUS Uładzimir Vasilkoŭ.
Ciapier dziaŭčynka, jakoj 1,2 hoda, znachodzicca va ŭstanovie achovy zdaroŭja, jaje naviedvaje babula. Maci dziciaci źmieščanaja ŭ Respublikanski navukova-praktyčny centr psichičnaha zdaroŭja.
