Žychar Baranavičaŭ asudžany da 2,5 hadoŭ pazbaŭleńnia voli za padbuchtorvańnie da dačy chabaru supracoŭnikam DAI, paviedamlajecca na sajcie Hienieralnaj prakuratury.
Asudžany źjaŭlaŭsia družyńnikam u adździaleńni DAI Baranavickaha HAUS. Vykarystoŭvajučy fakt svajho znajomstva z kiraŭnictvam Dziaržaŭtainśpiekcyi, mužčyna prapanoŭvaŭ svaim znajomym vyrašać najaŭnyja prablemy šlacham dačy im chabaru. Atrymanyja niezakonnyja ŭznaharodžańni ŭ pamiery $200-300 z kožnaha jon prysvojvaŭ i vykarystoŭvaŭ na asabistyja patreby.
Sud Baranavickaha rajona i horada Baranavičy z ulikam mierkavańnia dziaržaŭnaha abvinavaŭcy pryznaŭ 39-hadovaha mužčynu vinavatym u padbuchtorvańni da dačy chabaru, machlarstvie i prysudziŭ da 2 hadoŭ 6 miesiacaŭ pazbaŭleńnia voli. Prysud byŭ abskardžany abvinavačanym ŭ apielacyjnym paradku, adnak pakinuty bieź źmianieńniaŭ sudovaj kalehijaj pa kryminalnych spravach Bresckaha abłasnoha suda i ŭstupiŭ u zakonnuju siłu.
Baranavickaja mižrajonnaja prakuratura ciapier rychtuje pazoŭ da asudžanaha ab spahnańni sumy nieabhruntavanaha ŭzbahačeńnia.
