Pravaachoŭniki zatrymali 31-hadovaha biazdomnaha, jaki, pahražajučy raspravaj 26-hadovamu invalidu, adabraŭ u taho rečy.
Namiot, u jakim žyŭ padazravany
Dniom na bierazie Zasłaŭskaha vadaschovišča złamyśnik ŭbačyŭ chłopca, jaki adpačyvaŭ na plažy. Padazravany zavioŭ ź im hutarku, padčas jakoha zrazumieŭ, što novy znajomy maje abmiežavanyja fizičnyja mahčymaści.
Mužčyna vyrašyŭ hetaj akaličnaściu skarystacca i prapanavaŭ pahulać ŭ miač. Pry hetym pa ŭmovach zabavy, miač nie pavinien byŭ zvalicca na ziamlu, inakš toj, chto prajhraŭ, addaje svaju majomaść. Uličvajučy asablivaści raźvićcia chłopca, zychod hulni byŭ vidavočny. Pad pahrozaj hvałtu rabaŭnik adabraŭ muzyčnuju kałonku, mabilny telefon i hadzińnik na 215 rubloŭ.
Pa pryjeździe ŭ Minsk paciarpieły źviarnuŭsia ŭ milicyju. Nieŭzabavie milicyjanty vyznačyli asobu padazravanaha. Im akazaŭsia raniej sudzimy žychar Hrodzienskaj vobłaści. Mužčynu zatrymali, kanfiskavali majomaść paciarpiełaha. U dačynieńni da padazravanaha raspačali kryminalnuju spravu — mužčynu pahražaje da 6 hadoŭ źniavoleńnia.
Viadoma, što mužčyna niekalki miesiacaŭ tamu adbyvaŭ pakarańnie za kradziež. Vyzvaliŭšysia, dadomu jon nie pajechaŭ, a pasialiŭsia ŭ namiocie la vadaschovišča.
