Futbolny kłub «Krumkačy» maje surjoznyja finansavyja prablemy i praz heta ŭ kamandzie ŭźnik skandał: 29 lipienia na matč z «Viciebskam» nie pajechała adrazu piać futbalistaŭ — Dźmitryj Klimovič, Dźmitryj Jašyn, Jahor Siamionaŭ, Filip Ivanoŭ, Jaŭhien Šykaŭka. Pryčynaj takoj admovy stali prablemy z vypłataj zarobkaŭ. Paviedamleńnie pra heta raźmieščanaje na sajcie kamandy.
Nahadajem, što hety matč skončyŭsia ničyjoj — 2:2.
Adzin z futbalistaŭ, jaki vyrašyŭ bajkatavać hulniu, Jahor Siamionaŭ, pakinuŭ kamandu — jaho zajavu ab skasavańni kantrakta pa zhodzie bakoŭ padpisaŭ dyrektar kłuba Dzianis Šunto.
Finansavyja prablemy «Krumkačoŭ» zaŭvažnyja i pa nizkaj aktyŭnaści kłuba padčas letniaha tranśfiernaha akna, piša Priessboł. Z kamandy syšli ŭžo siem hulcoŭ, a pryjšoŭ tudy tolki adzin novy futbalist, Jarasłaŭ Bahunoŭ z «Naftana».
«Krumkačy» hulajuć u vyšejšaj lizie druhi siezon siezon. Kamanda była zasnavanaja ŭ 2014 hodzie i pačała vystupać u druhoj lizie, adkul praz hod pierajšła ŭ pieršuju lihu, a pa vynikach siezona-2015 zavajavała miesca ŭ elitnym dyvizijonie.
