Dola prablemnych aktyvaŭ biełaruskich bankaŭ u červieni 2017 hoda vyrasła da 13,7%. Admietna, što ŭ krasaviku jana dasiahnuła hadavoha maksimumu (14,2%), potym u mai źniziłasia da 13,6%, a ciapier znoŭ pastupova idzie ŭvierch.
Na 1 lipienia suma prablemnych aktyvaŭ skłała 5,383 miljarda rubloŭ, što na 2,8% vyšej, čym na pačatak hoda, piša tut.by sa spasyłkaj na dadzienyja Nacbanka.
Za ŭvieś minuły hod abjom prablemnych aktyvaŭ vyras na 85,8%, choć ich i pieradali Ahienctvu pa kiravańni aktyvami.
Śpiecyjalisty Nacbanka kanstatujuć, što realnaja prablemnaja zapazyčanaść navat vyšejšaja, bo kredyty mnohim dziaržpradpryjemstvam kłasifikavanyja pa hrupach nizkaj ryzyki z-za dziaržharantyjaŭ.
Najbolšyja ryzyki iduć ad kredytavańnia sielskaj, lasnoj i rybnaj haspadarki, budaŭničaj haliny, a taksama apieracyj ź nieruchomaściu.