Kiendryk Łamar
Chip-chop, uklučajučy R'n'B, upieršyniu staŭ samym papularnym žanram u ZŠA, havorycca ŭ daśledavańni Nielsen. Na chip-chop pa vynikach pieršaj pałovy 2017 hoda prychodzicca 25% ad usioj muzyki, jakuju słuchajuć u ZŠA. Raniej najbolš papularnym žanram była rok-muzyka, ale ciapier na jaho dolu prypadaje tolki 23% prasłuchoŭvańniaŭ.
Na pop-muzyku davodzicca tolki 13,4%, dola kantry - 8%. Hetyja dadzienyja ŭličvajuć jak prodažy albomaŭ, tak i prasłuchoŭvańni ŭ stryminh-servisach. Pa čystych prodažach najbolš papularnym žanram pa-raniejšamu zastajecca rok z bolš čym 40 pracentami pradadzienych za paŭhodździe albomaŭ.
Samymi papularnymi albomami paŭhodździa Nielsen pryznaŭ «DAMN» Kiendryka Łamar, albom Eda Šyrana «÷» i zapis Drejka «More Life».
Pa dadzienych RIAA, samym papularnym sposabam spažyvańnia muzyki ŭ ZŠA z 2015 hoda źjaŭlajucca stryminh-servisy, pry hetym ličbavyja i fizičnyja prodažy albomaŭ źnižajucca. Vyklučeńniem źjaŭlajecca tolki viniłavyja płaścinki, papularnaść jakich z hoda ŭ hod raście, adnak pakupniki viniłu ŭ asnoŭnym biaruć staryja zapisy abo ich pieravydańni.
