Ministerstva zamiežnych spraŭ RF rychtuje adkaz na rašeńnie Polščy demantavać savieckija pomniki, zajaviła śpikier Savieta Fiederacyi Valancina Maćvijenka, pieradaje «Interfaks».
Na pasiadžeńni hetaje pytańnie padniaŭ sienatar Anton Bielakoŭ. Jon prapanavaŭ uvieści piersanalnyja sankcyi suprać polskich palitykaŭ, jakija niepasredna majuć dačynieńnie da hetaha zakona. Bielakoŭ ličyć, što im treba zabaranić ujezd u Rasiju. Jon upeŭnieny, što ŭ niekatorych deputataŭ Siejma, jakija stajać za takim rašeńniem, «jość ekanamičnyja suviazi z Kalininhradskim rehijonam i jany časta naviedvajuć našu krainu».
Staršynia kamiteta pa mižnarodnych spravach Leanid Słucki prapanavaŭ razhledzieć zvarot da mižnarodnych parłamienckich struktur sumiesna z kniesietam Izraila.
