U Ministerstvie achovy zdaroŭja ličać, što Biełarusi treba pavyšać akcyzy na mocny ałkahol. Tak, tłumačać śpiecyjalisty, u krainie stanuć mienš pić mocnaha śpirtnoha.
Pa słovach Siarhieja Asipčyka, namieśnika dyrektara pa miedycynskaj častcy RNPC psichičnaha zdaroŭja, treba źmianić suadnosiny akcyzaŭ na mocny ałkahol i piva z 1 da 1,3 da 1 da 5. Dziakujučy hetamu, miarkuje śpiecyjalist, ludzi buduć mienš pić mocnaje śpirtnoje. Dla prykładu jon pryvioŭ situacyju ŭ Polščy.
— U našych susiedziaŭ tolki 30% ad usiaho abjomu spažyvańnia ałkaholnych napojaŭ zajmaje mocnaje śpirtnoje, - tłumačyć Siarhiej Asipčyk. — A 70% — heta piva i słabaałkaholnyja napoi. Heta raźmierkavańnie zabiaśpiečvaje napaŭnialnaść biudžetu, ale źnižaje ŭzrovień ŭžyvańnia mocnych ałkaholnych napojaŭ.
Viadoma, udakładniaje pradstaŭnik Ministerstva achovy zdaroŭja, pry rezkich źmienach akcyznaj palityki jość niehatyŭnyja nastupstvy.
- Naprykład, kali ŭ Francyi akcyz pavyšali bolš čym na 30%, to źnižalisia pastupleńnia ŭ biudžet, — praciahvaje śpiecyjalist. - Treba razumieć, što heta budzie i ŭ nas. Tamu my płanujem vychodzić z prapanovaj pa nievialikim pavyšeńnia. Dapuścim, 5 pracentaŭ u hod.
Pracu nad pavyšeńniem akcyzaŭ Ministerstva achovy zdaroŭja viadzie razam ź Ministerstvam finansaŭ. Čakać pavyšeńnia varta nie raniej čym praz hod.
Pavodle słoŭ śpiecyjalista, źmiena akcyznaj palityki, abmiežavańnie dastupnaści śpirtnoha dapamohuć źmianić i kulturu spažyvańnia ałkaholu.
- U pryvatnaści, spažyvańnie ałkaholu pavinna być fonam dla znosin, sustrečy, a nie sustreča dla spažyvańnia, - adznačyŭ jon.
