Prablema z dostupam da čystaje i pitnoje vady pačała vychodzić na pieršyja roli ŭ suśvietnaj palitycy i dypłamatyi ŭ apošnija hady praź imklivy rost nasielnictva Ziamli, vodnyja «apietyty» jaje ekanomiki i narastajučuju źmienu klimatu. Z-za ahulnaha karystańnia vodami abo akvatoryjaj tych ci inšych rek i moraŭ kanflikty ŭźnikajuć štohod, niekatoryja ź ich, takija jak baraćba Indyi i Pakistana vakoł daliny raki Ind, mohuć u budučyni pryvieści da bujnamaštabnaj kanviencyjnaj abo navat łakalnaj jadziernaj vajny.
Navukoŭcy vyłučyli niekalki dziasiatkaŭ patencyjnych «haračych kropak» paśla taho, jak praanalizavali situacyju vakoł 1400 vadaschoviščaŭ i dambaŭ, jakija jašče budujucca abo ŭžo isnujuć i pierakryvajuć reki, jakija prachodziać uzdoŭž miažy abo praź miažu dźviuch i bolš krain.
Akramia Indyi i Pakistana, kanflikt moža ŭspychnuć pamiž Kitajem i Vjetnamam za karystańnie resursami rek Biejczian i Siczian, a taksama pamiž Mjanmaj i jaje susiedziami praz pabudovu dambaŭ na prytokach raki Iravadzi.
Samaja niebiaśpiečnaja i kanfliktahiennaja zona raźmieščanaja na poŭnačy Afryki, u vakolicach vytokaŭ Niła i ŭ dalinie raki Avaš ŭ Efijopii. Urad hetaj krainy zapuściŭ niekalki maštabnych prajektaŭ pa pabudovie dambaŭ u basiejnie Niła, što moža mocna paŭpłyvać na kolkaść vady, jakaja traplaje ŭ Jehipiet, i vyklikać vialikija kanflikty pamiž Kairam i Adys-Abiebaj praz paharšeńnie nastupstvaŭ zasuch i nieŭradžajaŭ.
Jak spadziajucca navukoŭcy, palityki i dypłamaty źviernuć uvahu na sabranyja imi źviestki i vykarystajuć ich dla taho, kab praduchilić raźvićcio padobnych kanfliktaŭ u budučyni.
