Na fiermie śvinakompleksa Berzu kompleksas u Janaŭskim rajonie Litvy, mahčyma, vyjaŭlenaja afrykanskaja čuma śviniej (AČS), jakaja pahražaje pryblizna 25 000 śviniej, paćvierdziŭ BNS ministr sielskaj haspadarki Bronius Markaŭskas, pieradaje partał delfi.lt.
Śpiecyjalisty vieterynarnaha viedamstva kažuć, što praca śvinafiermy budzie abmiežavanaja, a kali virus budzie paćvierdžany, to śvińni buduć źniščany. Kali paćvierdzicca, što na śvinafiermu trapiŭ virus, to heta budzie druhaja pa vieličyni haspadarka, paciarpiełaja ad AČS za apošnija try hady — u 2014 hodzie na kompleksie dackaha kapitału Idavang u Ihnalinskim rajonie AČS źniščyła 19 tys. śviniej.
Zahadčyk adździeła terminovaj dziejnaści Dziaržaŭnaj charčova-vieterynarnaj słužby (HPVS) Marus Masiulis raspavioŭ BNS, što ciapier śpiecyjalisty słužby jeduć na kompleks dla praviadzieńnia daśledavańniaŭ. Pavodle jaho słoŭ, na Berzu kompleksas časova buduć uviedzieny abmiežavańni, kab źnizić ryzyku raspaŭsiudžvańnia chvaroby. Berzu kompleksas užo paciarpieŭ ad AČS letam 2011 hoda.
