Pravaachoŭnyja i padatkovyja orhany Biełarusi pakul nie cikaviacca amatarami kryptavalut, paviedamiŭ namieśnik načalnika ŭpraŭleńnia DFR KDK pa Minsku i Minskaj vobłaści Alaksandr Čerezaŭ u pramym efiry internet-telebačańnia «SB siehodnia».
Pytańnie Ramana ź Minska hučała tak: «Ja voś namajniŭ bitkojnaŭ, ale ŭ baksy i rubli pieravodzić nie budu. Chaču jašče fiermu dla majninha pastavić, kab bolš kryptavaluty zdabyvać. Hetaja maja dziejnaść moža zacikavić finansavuju milicyju, padatkovuju ci KDB?»
Čerezaŭ adznačyŭ, što pakul bitkoiny nie pryznanyja valutaj, choć jany nabirajuć papularnaść. «Pakul jašče nie było prykładaŭ, kab za zarobak bitkoinaŭ pryciahvali», - udakładniŭ pradstaŭnik DFR, zrabiŭšy akcent na słova «pakul» i nie ŭdakładniŭšy, jak by pastaviłasia padatkovaja da bitkoinaŭ, jakija ŭsio ž taki buduć pieraviedzieny ŭ realnuju valutu, piša Tut.by.
