Urad Kanady pryniaŭ rašeńnie admianić handlovyja abmiežavańni ŭ dačynieńni da Biełarusi, uviedzienyja ŭ 2006 hodzie. Pra heta havorycca ŭ pastanovie, apublikavanaj u sieradu va ŭradavym vieśniku Canada Gazette.
«U adpaviednaści z abaviazalnictvami ŭrada Kanady pa dypłamatyčnym uzajemadziejańni ź mižnarodnaj supolnaściu i ŭ adkaz na niadaŭnija pazityŭnyja źmieny ŭ Biełarusi ŭrad Kanady abjaŭlaje ab svaim rašeńni vyvieści Biełaruś z Rehijanalnaha kantrolnaha śpisu, — havorycca ŭ dakumiencie. — Takim čynam admianiajucca miery, uviedzienyja ŭ śniežni 2006 hoda».
U Rehijanalny kantrolny śpis uvachodziać krainy, na jakija raspaŭsiudžvajucca miery pa kantroli nad ekspartam i pieradačaj lubych tavaraŭ i technałohij.
Ciapierašniaje rašeńnie, adznačajecca ŭ dakumiencie, śviedčyć taksama ab pryznańni Kanadaj «kanstruktyŭnaj roli Biełarusi ŭ sadziejničańni pieramovaŭ ab spynieńni ahniu i ŭstalavańni miru va Ukrainie».
