Zakonaprajekt ab reintehracyi, raspracavany Radaj nacyjanalnaj biaśpieki i abarony Ukrainy, pryznaje asobnyja rajony Danieckaj i Łuhanskaj abłaściej časova akupavanymi Rasijskaj Fiederacyjaj. Pra heta havorycca ŭ tekście dakumienta, na jaki spasyłajecca «RBK-Ukraina».
Reuters
U pryvatnaści, ab hetym śviedčyć art. 1 prajekta zakona «Ab asablivaściach dziaržaŭnaj palityki pa adnaŭleńni dziaržaŭnaha suvierenitetu Ukrainy nad časova akupavanaj terytoryjaj Danieckaj i Łuhanskaj abłaściej Ukrainy».
Taksama, zhodna z p. 1 art. 1, u Danieckaj i Łuhanskaj abłaściach časova akupavanaj pryznajecca suchaputnaja terytoryja, u miežach jakoj farmavańni ŭzbrojenych sił RF i niezakonnyja farmavańni, stvoranyja pry ŭdziele RF i kiravanyja joju, a taksama akupacyjnaja administracyja RF ŭstalavali i realizujuć svaju ŭładu.
Pavodle druhoha punkta 1 art., časova akupavanymi pryznajucca źniešnija i ŭnutranyja marskija vody i pavietranaja prastora nad adpaviednymi terytoryjami.
Pieršaja staronka dakumienta
Art. 2 dakumienta dekłaruje niezakonnaść lubych orhanaŭ i słužbovych asob, nie praduhledžanych Kanstytucyjaj i zakonami Ukrainy, i stvoranych, pryznačanych abo abranych niezakonnym sposabam. Luby ź ich akt, rašeńnie abo dakumient pryznajucca niesapraŭdnymi.
U art. 3 i 4 zakonaprajekta havorycca ab dziaržaŭnaj palitycy ŭ dačynieńni da časova akupavanych terytoryj. U pryvatnaści, jaje metaj stavicca adnaŭleńnie dziaržaŭnaha suvierenitetu Ukrainy na hetych terytoryjach, ich vyzvaleńnie i adnaŭleńnie ŭ ich miežach kanstytucyjnaha ładu, a taksama abarona pravoŭ i svabod hramadzian Ukrainy, jakija paciarpieli ad rasijskaj ahresii.
St. 5 i 6 dakumienta apisvajuć mietady zabieśpiačeńnia dziaržsuvierenitetu Ukrainy i abarony pravoŭ i svabod hramadzian.
U toj ža čas art. 7 dekłaruje, što pry ažyćciaŭleńni palityka-dypłamatyčnych mierapryjemstvaŭ pa adnaŭleńni terytaryjalnaj cełasnaści Ukrainy zabiaśpiečvajecca pryjarytetnaść vykanańnia pałažeńniaŭ Minskaha pratakołu ad 5 vieraśnia 2014 hoda, a taksama Minskaha miemaranduma ad 19 vieraśnia taho ž hoda i «kompleksu mierapryjemstvaŭ» ad 12 lutaha 2015 hoda.
«Prezident Ukrainy ŭ pieryjad dziejańnia hetaha zakona moža prymać rašeńni ab vykarystańni USU i inšych zakonnych vajennych farmavańniaŭ u Danieckaj i Łuhanskaj abłaściach dla strymlivańnia i adporu ŭzbrojenaj ahresii RF, adnaŭleńnia terytaryjalnaj cełasnaści Ukrainy, zabieśpiačeńnia achovy i abarony dziaržaŭnaj miažy krainy i linii raźmiežavańnia», — havorycca ŭ art. 9 prajekta zakona ab reintehracyi Danbasa.
