U Maskvie byli zatrymanyja dvoje hramadzian Biełarusi, jakija ź viasny biahučaha hoda pražyvajuć na vakzałach rasijskaj stalicy. Ich vinavaciać u tym, što ŭ nieŭstanoŭlenym miescy siakieraj i małatkom jany nanieśli množnyja ŭdary mužčynu. Ad atrymanych traŭmaŭ toj pamior, paviedamlaje ahienctva «Moskva».
Suprać padazravanych raspačataja kryminalnaja sprava ab zabojstvie.
Raniej pamočnik kiraŭnika HSU Śledčaha kamiteta Rasii pa Maskvie Julija Ivanova paviedamiła, što ranicaj 8 lipienia biahučaha hoda ŭ vadaściokavym kanale pablizu mohiłak, raźmieščanych u 2-m Roščynskim prajeździe, było znojdzienaje cieła nieviadomaha mužčyny siarednich hadoŭ. Pry ahladzie cieła vyjaŭlenyja rany hałavy.
11 lipienia kala doma ŭ 2-m Roščynskim prajeździe byli zatrymanyja dvoje hramadzian 1973 h. i 1990 h. naradžeńnia. Jak vyśvietliłasia, jany pasvarylisia sa znajomym i nanieśli jamu cialesnyja paškodžańni, ad jakich jon pamior.
