Amierykanski režysior Kviencin Tarancina rychtuje film pra sieryjnaha zabojcu Čarlza Mensana. Pra heta paviedamlaje Variety sa spasyłkaj na krynicy. Kiniematahrafist užo napisaŭ scenar karciny.
Udakładniajecca, što Tarancina płanuje sabrać «zornuju kamandu» akcioraŭ. Roli jašče nie zaćvierdžany, adnak zdymačnaja hrupa pavinna być sfarmiravana da Dnia pracy, jaki ŭ ZŠA ŭ 2017 hodzie vypadzie na 4 vieraśnia.
U toj ža čas krynicy raspaviali Deadline, što režysior sustreŭsia z aŭstralijskaj aktrysaj z «atrada samahubcaŭ» Marho Robi i prapanavaŭ joj rolu Šeron Tejt.
Krynicy dadali, što hałoŭnaha hieroja, imavierna, syhraje Semiueł Ł. Džeksan. Rolu detektyva mohuć addać Bredu Pitu. U stužcy taksama źbirajucca zadziejničać aktorku Dženifier Łoŭrens.
Variety adznačaje, što ŭ stvareńni karciny prymuć udzieł Charvi i Bob Vajnštejny, pradziusary jaho raniejšych prajektaŭ.
U filmahrafii Tarancina dzieviać filmaŭ (siarod ich - dźvie častki dyłohii «Zabić Biła»). Apošniaja na dadzieny momant stužka režysiora, «Miarzotnaja vaśmiorka», vyjšła ŭ 2015 hodzie.
