Ministerstva finansaŭ Polščy paviedamiła, što minimalnaja suma pakupak dla atrymańnia VAT z 1 žniŭnia źnizicca da 200 złotych, piša Tut.by.
outlet-bialystok.com
«Z 1 žniŭnia 2017 hoda źnižanaja minimalnaja suma ahulnaha koštu pakupak, pry jakoj vandroŭniki z-za miežaŭ ES mohuć zapatrabavać viartańnia PDV u sistemie Tax Free: z 300 złotych da 200 złotych» — rastłumačyli ŭ ministerstvie.
Dla pakupak, zroblenych da 1 žniŭnia, budzie dziejničać norma ŭ 300 złotych.
Padstavaj dla źnižeńnia minimalnaj sumy dla atrymańnia čeka Tax Free pasłužyła rasparadžeńnie Ministerstva finansaŭ Polščy ad 23 červienia 2017 hoda.
Nahadajem, raniej polskija ŚMI sa spasyłkaj na Minfin paviedamlali ab tym, što z 1 červienia Polšča maje namier źnizić minimalnuju sumu pakupak dla viartańnia Tax Free z 300 da 200 złotych. Heta rašeńnie, pavodle danych «Polskaha radyjo», było abumoŭlena tym, što ŭ 2016 hodzie źniziŭsia «abarot małych, siamiejnych pradpryjemstvaŭ, jakija ŭdzielničajuć u sistiemieTach Free». Adnak z pačatku leta minimalnaja suma dla afarmleńnia TaxFree zastałasia raniejšaj — 300 złotych.
