U piatnicu, 30 červienia, startavaŭ 15-y tur čempijanatu Biełarusi pa futbole ŭ vyšejšaj lizie. Adbyŭsia adzin matč, u jakim «Minsk» i «Krumkačy» zhulali ŭničyju 0:0.
Jašče čatyry matčy tura projduć u subotu, 1 lipienia. U ich sustrenucca: «Słuck» — «Dniapro» (pačatak u 16.30), «Isłač» — «Naftan» (stadyjon FK «Minsk», 18.00), «Dynama» (Brest) — «Homiel» (18.30), BATE — «Haradzieja» (19.30). U niadzielu, 2 lipienia, projduć jašče dva pajadynki: «Słavija» — «Tarpieda-BiełAZ» (18.00), «Dynama» (Minsk) — «Viciebsk» (stadyjon «Traktar», 17.00). Tur zavieršycca ŭ paniadziełak, 3 lipienia, matčam u Salihorsku «Šachciora» i «Niomana», jon pačniecca a 19-j hadzinie.
U pieršynstvie Biełarusi lidyruje «Šachcior» — 35 ačkoŭ, minskaje «Dynama» maje 31 ačko, BATE — 30.
