Ranicaj 1 krasavika 51-hadovy žychar vioski Pałonka pryjechaŭ u Baranavičy na aŭtarynak «Zorny», kab kupić kamplektujučyja dla aŭtamabila.
Na rynku jon tak ničoha i nie kupiŭ. Kala dvuch hadzin dnia jon zajšoŭ u adnu z baranavickich kramaŭ i kupiŭ butelku vina. Schavaŭšy jaje ŭ kurtku, jon adpraviŭsia ŭ park. Tam mužčyna sieŭ na łaŭku niedaloka ad vajenkamata i staŭ vypivać.
Nasuprać jaho na łaŭcy siadzieli try žančyny — 26, 27 i 30 hadoŭ. Mužčyna, pabačyŭšy ich, rasšpiliŭ šyrynku i pačaŭ masturbavać. Pry hetym jon pilna hladzieŭ na dziaŭčat, sprabujučy sustrecca ź imi pozirkam.
«Kali mužčyna ŭbačyŭ, što dziaŭčaty stali niešta burna abmiarkoŭvać, a potym adna ź ich pačała kudyści telefanavać, jon zašpiliŭ šyrynku i pierasieŭ na łaŭku dalej ad ich. Nieŭzabavie jaho zatrymała milicyja», — raspavioŭ Intex-press Pavieł Krupienič, pamočnik Baranavickaha mižrajonnaha prakurora.
U sudzie mužčyna rastłumačyŭ, što byŭ mocna pjany i jamu soramna za zroblenaje. Svaju vinu jon całkam pryznaŭ.
Sud Baranavickaha rajona i horada Baranavičy pryznaŭ jaho vinavatym u chulihanstvie (č. 1 art. 339 KK RB) i prysudziŭ da dvuch miesiacaŭ aryštu.
