Paŭnočnaja Kareja zavočna abviaściła śmiarotny prysud eks-prezidentu Paŭdniovaj Karei Pak Kyn Che i načalniku paŭdniovakarejskaj raźviedki Li Ben Cho, paviedamlaje VVS.
AFP
Pchieńjan abvinavačvaje ich u zmovie z metaj zabojstva paŭnočnakarejskaha pravadyra Kim Čen Yna i patrabuje ad Sieuła ich vydačy.
Jak zajaviła dziaržaŭnaje infarmacyjnaje ahienctva KNDR, za arhanizacyju zamachu na zabojstva ŭ 2015 hodzie viarchoŭnaha kiraŭnika Paŭnočnaj Karei «zdradniku Pak Kyn Che vyniesieny śmiarotny prysud».
Pavodle źviestak paŭnočnakarejskaha ahienctva, ukaz ab śmiarotnym pakarańni Pak Kyn Che i Li Ben Cho vydadzieny sumiesna ministerstvam dziaržaŭnaj biaśpieki, ministerstvam hramadskaj biaśpieki i centralnaj prakuraturaj KNDR.
Krynicy infarmacyi ab sprobie zabojstva Kim Čen Yna i datyčnaści da zmovy paŭdniovakarejskaha eks-prezidenta ŭ zajavie nie raskryvajucca.
Pak Kyn Che straciła prezidencki post u sakaviku 2017 hoda ŭ vyniku impičmientu, vyklikanaha karupcyjnym skandałam na radzimie, i ŭ ciapierašni čas znachodzicca pad aryštam u Paŭdniovaj Karei ŭ čakańni suda.
Nacyjanalnaje vyviedvalnaje kiravańnie Paŭdniovaj Karei nazvała śćviardženńni paŭnočnakarejskich uładaŭ biespadstaŭnymi, a pahrozy ŭ adras svajoj krainy — nievybačalnymi.
U pačatku maja paŭnočnakarejskaje ministerstva dziaržaŭnaj biaśpieki raspaŭsiudziła zajavu, u jakim havaryłasia, što niejkaja terarystyčnaja hrupa pry padtrymcy CRU i vyviedki Paŭdniovaj Karei pranikła ŭ KNDR z metaj ździajśnieńnia zabojstva lidara krainy z dapamohaj niejkaha bijachimičnaha rečyva.
Paŭnočnaja Kareja znojdzie i «biaźlitasna źniščyć» udzielnikaŭ hrupy, paabiacali tady ŭłady KNDR.
U paniadziełak japonskaja hazieta «Asachi Simbun» paviedamiła sa spasyłkaj na nienazvanyja krynicy, što ŭ 2015 hodzie, u bytnaść prezidentam, Pak Kyn Che zaćvierdziła płan pa źviaržeńni lidara KNDR Kim Čen Yna. Realizacyja płana, pavodle danych haziety, była ŭskładzienaja na paŭdnievakarejskuju vyviedku.