Bresckija śledčyja vyśviatlajuć akaličnaści traŭmavańnia strachara, jaki ŭpaŭ z vyšyni 3-ha paviercha pry vykanańni mantažnych rabot, paviedamiła TUT.BY aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova.
Fota USK pa Bresckaj vobłaści
Niaščasny vypadak adbyŭsia 27 červienia, kala 14.30. 56-hadovy mužčyna zajmaŭsia ramontam bałkonaŭ budynka na vulicy Hohala ŭ Breście.
Padčas prac jon znachodziŭsia na placoŭcy mietaličnych budaŭničych lasoŭ, raźmieščanaj na ŭzroŭni treciaha paviercha budynka, heta značyć na vyšyni kala 9,5 m.
U vyniku padzieńnia rabočy atrymaŭ šmatlikija paškodžańni. U vielmi ciažkim stanie jaho špitalizavali ŭ reanimacyju abłasnoj balnicy.
Pravierku pa fakcie traŭmavańnia pravodzić mižrajonny adździeł Śledčaha kamiteta.