U finalnaj versii mabilnaj aperacyjnaj systemy iOS 11 maje źjavicca dastupnaja pa zmaŭčańni biełaruskaja raskładka klavijatury.
U papiaredniaj versii iOS 11, dastupnaj raspracoŭnikam, biełaruskaja raskładka ŭžo jość. Finalnaja maje stać dastupnaj karystalnikam iPhone 5s i naviejšych, iPad Air i naviejšych uvosień 2017 hodu.
U adnoj sa śviežych IOS11 beta źjaviłasia defołtnaja biełaruskaja kłavijatura.
U dastupnych siońnia versijach iOS niama dastupnaj pa zmaŭčańni biełaruskaj raskładki klavijatury, a pahatoŭ biełaruskamoŭnaha interfejsu. Ale možna ŭstalavać biełaruskuju klavijaturu ad starońnich raspracoŭnikaŭ — takaja mahčymaść źjaviłasia ŭ iOS 8, praz 7 hod paśla prezentacyi pieršaha iPhone.
Tym časam biełaruskaja raskładka jość u standartnych klavijaturaŭ na Android i Windows Phone. Ad pieršaj versii Windows Phone mieła biełaruskuju versiju interfejsu. Smartfony na Android da niadaŭniaha času mieli biełaruski interfejs tolki ŭ asobnych vytvorcaŭ, jakija sami raspracavali pierakład, ale ad 7-j versii Android biełaruski interfejs staŭ dastupnym pa zmaŭčańni.
Biełaruskija zakony, adrozna, naprykład, ad ukrainskich ci kazaskich, nie patrabujuć, kab infarmacyja ab pradukcyi, jakaja pastaŭlajecca na rynak, była na nacyjanalnaj movie abo na ŭsich dziaržaŭnych movach — dastatkova i rasiejskaje. U biełaruskim zakanadaŭstvie prapanoŭvali zamacavać normu, kab etykietki na tavarach byli na abiedźviuch dziaržaŭnych movach, ale adpaviedny zakonaprajekt prajšoŭ pieršaje čytańnie ŭ Pałacie pradstaŭnikoŭ biez takich źmienaŭ — i całkam vierahodna, što zakon budzie pryniaty biez uliku hetaj prapanovy.
