Z 1 lipienia 2017 hoda ŭstupaje ŭ siłu čaćviortaja redakcyja Zakona Respubliki Biełaruś «Ab pradastaŭleńni zamiežnym hramadzianam i asobam biez hramadzianstva statusu biežanca, dadatkovaj i časovaj abarony ŭ Respublicy Biełaruś», paviedamili ahienctvu «Minsk-Naviny» va ŭpraŭleńni pa hramadzianstvie i mihracyi (UHiM) HUUS Minharvykankama.
«Kožny čałaviek, jaki ratujecca ad pieraśledu abo hvałtu, maje prava prasić abaronu ŭ Respublicy Biełaruś, — adznačyŭ načalnik UHiM HUUS Minharvykankama Juryj Baranaŭ. — Zamiežniku moža być dadzienaja adna z praduhledžanych zakanadaŭstvam formaŭ abarony: status biežanca, dadatkovaja abarona abo prytułak. Z 1 lipienia pytańnie ab nadańni adnoj z formaŭ abarony abo admovie ŭ ich budzie razhladacca ŭ ramkach adzinaj pracedury, jakaja doŭžycca 6 miesiacaŭ. Raniej jana mahła praciahvacca da adnaho hoda, a z zajavaj ab pradastaŭleńni prytułku zamiežnik moh źviarnucca tolki ŭ ramkach asobnaj pracedury. Novy padychod sprościć praces atrymańnia abarony dla tych, chto jaje sapraŭdy varty».
U zakon uniesienyja źmieny, što palapšajuć pravavoje stanovišča inšaziemcaŭ, jakija chadajničajuć ab abaronie, i zamiežnikaŭ, jakim užo adna z formaŭ abarony pradastaŭlenaja. Tak, naprykład, vyrašanaje pytańnie miedycynskaha absłuhoŭvańnia hramadzian Ukrainy, jakim dadzienaja dadatkovaja abarona (majuć prava na časovaje pražyvańnie ŭ Biełarusi). Raniej u suviazi z normami mižnarodnaha pahadnieńnia hetaj katehoryi zamiežnikaŭ biaspłatna akazvałasia tolki chutkaja i nieadkładnaja miedycynskaja dapamoha. Ciapier jany atrymajuć prava na miedycynskaje absłuhoŭvańnie naroŭni z zamiežnikami, jakija pastajanna pražyvajuć u našaj krainie.
«Luby inšaziemiec, jaki maje patrebu ŭ abaronie, moža źviarnucca z chadajnictvam ab pradastaŭleńni statusu biežanca, dadatkovaj abarony abo prytułku ŭ padraździaleńnie pa hramadzianstvie i mihracyi AUS, raźmieščanaje na terytoryi toj vobłaści, dzie jon pražyvaje, — praciahnuŭ Baranaŭ. — Dla zamiežnikaŭ — žycharoŭ stalicy heta UHiM h. Minska. Kančatkovaje rašeńnie pa chadajnictvie ab abaronie prymajecca Departamientam pa hramadzianstvie i mihracyi MUS Respubliki Biełaruś».
Pa dadatkovuju dapamohu kansultatyŭnaha abo humanitarnaha charaktaru inšaziemiec taksama moža źviarnucca ŭ niedziaržaŭnyja struktury: Pradstaŭnictva Upraŭleńnia Viarchoŭnaha kamisara AAN pa spravach biežancaŭ u Respublicy Biełaruś, Słužbu pa kansultavańni biežancaŭ, Biełaruskaje Tavarystva Čyrvonaha Kryža, Mižnarodnuju arhanizacyju pa mihracyi.
