Krainavy brend Biełarusi raspracoŭvajecca pry padtrymcy Jeŭrasajuza, biudžetnyja hrošy na prajekt vydatkoŭvać nie buduć. Pra heta paviedamiła načalnik adździeła markietynhu i jakaści turystyčnych pasłuh Hanna Mucha, pišaTut.by.
fota Siarhieja Hudzilina
«Pakul zajmajecca raspracoŭkaj jeŭraprajekt pry padtrymcy ES. Heta nie biudžetnyja hrošy. Ja ŭžo bačyła try varyjanty brenda, jakija mohuć być pradstaŭlenyja na abmierkavańnie. Da kanca hoda, mahčyma, budzie varyjantaŭ piać-šeść. Jany vielmi kreatyŭnyja», — raspaviała Hanna Mucha.
Pa słovach kiraŭnika prajekta Jeŭrapiejskaha sajuza «Padtrymka ŭstojlivaha raźvićcia turyzmu ŭ Biełarusi» Janeza Sirše, u Jeŭropie ciapier viedajuć mała pra našu krainu, i heta možna vykarystoŭvać pry stvareńni brenda.
«Čakańni novych turystaŭ nievysokija. Biełaruś stanovicca pryjemnym siurpryzam, što taksama možna vykarystoŭvać u brendynhu destynacyj», — zaŭvažyŭ jon.
6-7 lipienia Suśvietnaja turysckaja arhanizacyja, Minsportu i turyzmu i NAK Biełarusi arhanizujuć u Minsku kanfierencyju «Brendynh destynacyj: inavacyjnyja idei dla pryciahnieńnia turystaŭ», na jakoj vyvučać dośvied inšych krain i abmiarkujuć, čym Biełarusi zacikavić turystaŭ.
