12-hadovaha chłopčyka ŭ noč z suboty na niadzielu šukali ŭ Mahiloŭskim rajonie. Jak raspavioŭ partału mogilevnews.by namieśnik načalnika Kastryčnickaha adździeła Departamienta achovy Mahilova Siarhiej Sitnik, baćki razam z synam pajechali 24 červienia na aŭtamabili na daču. Pa darozie pamiž imi ŭźnikła sprečka — chłopčyk nie chacieŭ jechać z baćkami, a chacieŭ zastacca doma. Nie dajazdžajučy da vioski Rečki, jon vyskačyŭ z mašyny i ŭciok. Na hadzińniku było kala dzieviaci hadzin viečara.
Na praciahu dźviuch hadzin baćki šukali syna samastojna, a potym źviarnulisia pa dapamohu ŭ Mahiloŭski RAUS. Na miesca vyjechała śledča-apieratyŭnaja hrupa, a taksama milicyjanier-kinołah sa słužbovym sabakam. Sabaka ŭziaŭ śled i pajšoŭ pa palavoj darozie, zatym pa dačnym kaapieratyvie susiedniaj vioski. Prykładna ŭ 3.30 sabaka spyniŭsia na darozie kala kustoŭ, dzie chavaŭsia zamierzły «ŭciakač» — jon byŭ biez abutku, u šortach i majcy. Chłapčuka adahreli ŭ słužbovaj mašynie i dastavili baćkam.
