Novy rejtynh vajskovaj mahutnaści apublikavaŭ Global Firepower Index. Rejtynh składaŭsia na padstavie bolš čym 50 faktaraŭ. Heta dazvalaje mienšym krainam, ale bolš technałahična raźvitym, kankuravać z bujniejšymi.
U hetym rejtynhu nie prymajucca da ŭliku jadziernaja zbroja, jakoj vałodaje kraina. Rejtynh naŭprost nie zaležyć ad ahulnaj kolkaści zbroi, a chutčej ad raznastajnaści zbroi ŭ dastatkovych abjomach dla bałansavańnia ahniavoj mahutnaści.
Čym mienšy bał u vyniku atrymlivaje vojska toj ci inšaj krainy, tym vyšej jana raźmiaščajecca ŭ rejtynhu.
U vyniku pieršaje miesca ŭ rejtynhu zaniali Złučanyja Štaty Amieryki. Ich rejtynh skłaŭ 0,0871. Śledam idzie Rasija z rejtynham 0,0941. Trojku pradkazalna zamykaje Kitaj (0,0955).
U dziasiatku taksama ŭvajšli nastupnyja krainy: Indyja, Francyja, Vialikabrytanija, Japonija, Turcyja, Hiermanija, Italija.
Biełaruś u dadzienym rejtynhu raźmiaściłasia na 50-m radku, pamiž Filipinami i Danijaj. Usiaho ŭ rejtynhu 131 kraina.
Ahulnaja kolkaść samalotaŭ u biełaruskim vojsku acenienaja ŭ 193 adzinki (siarod ich 43 źniščalniki), bajavyja tanki — 515, braniravanyja mašyny — 2321.
Pa mahutnaści vojska Biełaruś sastupaje Polščy (18-y radok), Ukrainie (30-y), Rumynii (44-y), ale apiaredžvaje takija krainy, jak Finlandyja (56-y), Vienhryja (63-i), Sierbija (83-i), Litva (97-y).
