Daśledčyki zmahli prycelna «ścierci» adzin ź niekalkich uspaminaŭ u maluska, što ŭ pierśpiektyvie moža dapamahčy ludziam z posttraŭmatyčnym stresavym rasstrojstvam (PTSR). Pra heta piša Jesprieso sa spasyłkaj na vydańnie Science Alert.
topwonders.ru
Kamanda navukoŭcaŭ z amierykanskaha miedycynskaha centra Kałumbijskaha ŭniviersiteta i kanadskaha Univiersiteta Makhił praanalizavała niejrony maluskaŭ rodu Aplysia (marskija zajcy), kab pravieryć hipotezu, jakaja tłumačyć, čamu ŭspaminy ab incydentach, jakija prynieśli drenny dośvied, mohuć sami vyklikać turboty.
Navukoŭcam udałosia pakazać, što kletkavyja anałahi doŭhaterminovych uspaminaŭ u maluska možna vydalać niezaležna adzin ad adnaho. Tamu błakujecca dziejańnie roznych padvidaŭ białku (prateinkinazy M), jaki ŭdzielničaje ŭ stvareńni i zachoŭvańni doŭhaterminovych uspaminaŭ. Vybaračnaje błakavańnie adnaho z prateinaŭ pryvodziła da vydaleńnia asacyjatyŭnaj abo nieasacyjatyŭnaj pamiaci.
«Adzin z asnoŭnych kirunkaŭ našaha ciapierašniaha daśledavańnia zaklučajecca ŭ raspracoŭcy stratehij dla likvidacyi prablemnaha nieasacyjatyŭnaha ŭspaminu, što moža adbicca ŭ mozhu padčas traŭmatyčnaha dośviedu biez škody dla asacyjatyŭnych uspaminaŭ, jakija mohuć dapamahčy ludziam prymać abhruntavanyja rašeńni ŭ budučyni», — kaža adzin z aŭtaraŭ daśledavańnia Samuel Šachier.
U dalejšych daśledavańniach navukoŭcy pavinny na takich ža dakliničnych madelach bolš padrabiazna razabracca, jak i dzie vyrablajucca i pracujuć malekuły prateinkinazy. M.
«Ścirańnie ŭspaminaŭ maje patencyjał, kab palehčyć PTSR i tryvožnyja rasstrojstvy šlacham vydaleńnia nieasacyjatyŭnych uspaminaŭ, jakija vyklikajuć nieadekvatnyja fizijałahičnyja reakcyi», — padkreślivajuć daśledčyki.
