23 červienia ŭ Kijeŭskim nacyjanalnym akademičnym teatry opiery i baleta prajšła cyrymonija ŭručeńnia ordena Franciška Skaryny Apostalskamu nuncyju va Ukrainie arcybiskupu Kłaŭdya Hudžeroci.
Ad imia prezidenta ŭznanaharodu ijerarchu ŭručyŭ pasoł Biełarusi va Ukrainie Ihar Sokał. U mierapryjemstvie pryniaŭ udzieł Mitrapalit Minska-Mahiloŭski arcybiskup Tadevuš Kandrusievič.
Arcybiskup Hudžeroci pradstaŭlaŭ Apostalski Pasad u Respublicy Biełaruś z 15 lipienia 2011 hoda pa 13 listapada 2015 hoda.
Ukaz ab uznaharodžvańni byłoha Apostalskaha Nuncyja ŭ Biełarusi ordenam Francyska Skaryny byŭ padpisany 7 sakavika 2017 h. Alaksandram Łukašenkam.
Tady «za značny asabisty ŭkład u raźvićcio kulturnaj spadčyny pamiž Biełaruśsiu i Vatykanam» było vyrašana adznačyć ordenam arcybiskupa Kłaŭdyjo Hudžeroci i dyrektara ŭstanovy «Muziei Vatykana» Antonia Paałučy.
Arcybiskup Hudžeroci ŭ svajoj pramovie, dziakujučy za ŭznaharodžvańnie, padkreśliŭ:
«Biełaruś i nadalej zastajecca hłyboka ŭ maim sercy sa svajoj hodnaściu, svajoj pracavitaściu, svajoj haścinnaściu i svajoj cišynioj, jakaja napoŭniena čullivaściu i hłybinioj. Jana navučyła mianie razumieńniu taho, što narod vialiki nie tamu, što pra jaho šmat kažuć, i navat nie tamu, što jon sam šmat kaža pra siabie, a vialiki jon tymi žamčužynami, jakija zachoŭvajucca ŭ jaho sercy».
Zaviaršajučy svaju pramovu, ijerarch Apostalskaha Pasadu pracytavaŭ vierš Ryhora Baradulina, skiroŭvajučy słovy paeta da Biełarusi:
«Jaje ŭratavała jejnaja viera
Skazaŭ Isus.
I ŭ sercy ź Isusam pajšła.
I stałasia ŭ śviecie niašera.
I nieba runieła zornym abrusam»
